يوميات بو علي

موضوع: يوميات بو علي الخميس مايو 15, 2008 10:42 am

يوميات بو علي,,, { البلوتوث }
________________________________________
يوميات بوعلي
]&[ البلوتوث ]&[

كان يوماً مملاً بالنسبة لأم علي التي كانت فرحة دائماً,,, اما بوعلي فقد كان يتابع
برنامجاً مضحكاً في إحدى القنوات,,,

أم علي: بوعلي زهقانه ومتملله حدي.
بو علي: وشنو اسوي لكِ؟
أم علي: خلنا نطلع نتمشى أو نروح أي مكان.
بو علي: طيب شنو رايك نروح حديقة الحيوان.
أم علي: أوكي تمام خلني ألبس ونروح بس بشرط.
بو علي: شنو شرطكِ بعد؟
أم علي: نبي نمر صديقتي أم خلف.
بو علي: يعني بيصير بدال العلة علتين.
أم علي: أقول احترم نفسك لا أكسر هالبيب على راسك.
بو علي: خلاص خلاص ما يحتاج تعورين البيب,,, انا انتظركِ برى ودقي على رفيقتكِ
خليها تتجهز.

وفي الطريق,,,

أم خلف: أشوفك ساكت يا بو علي.
أم علي: المرأة تكلمك.
بو علي: ................ .
أم خلف: خليه على كيفه شكله مايبي يكلمنا.
أم علي: إلا ما قلتي لي يا أم خلف,,, شنو أخبار رباب.
أم خلف: يؤيؤيؤ ما قلت لك.
أم علي: لا شنو؟
أم خلف: تزوج عليها زوجها وحدة أصغر منها بـ 10 سنين وحده قمر.
أم علي: وشلون تزوج عليها.
أم خلف: يقول لك تعرف عليها عن طريق شيء يسمونه البلوتوث.
أم علي: الله يكفينا الشر بس.
بو علي: أقول تركوا عنكم هالكلام اللي ما وراه لا فايده ولا منفعة ويالله نزلوا الحديقة.

نزل بو علي مع زوجته أم علي وأم خلف واستمتعوا في الحديقة وأكلوا بعض الخفايف ثم عادوا إلى البيت

أم خلف: يالله مع السلامة ولا تنسين تتصلي عليَّ.
أم علي: إن شاء الله مع السلامة.

وفي بيت بو علي,,,

بو علي: أقول لك تقنية عجيبة انا ما صدقت إنها تخليك تتزوج.
بو حسن: طيب شنو هذه التقنية,,, يعني ما لها اسم.
بو علي: إلا اسمها البيوتوث ما ادري البايوتوث.
بو حسن: ههههههههههههههههههه.
بو علي: شفيك تضحك عليَّ.
بو حسن: اسمها بلوتوث.
بو علي: المهم كيف احصل عليها.
بو حسن: الله يسلمك هذا جوال والتقنية موجودة في نفس هذا الجوال.
بو علي: خلاص دقايق وبمر عليك علشان نشتري هذا الجوال.
بو حسن: انتظر لحظة,,, الو الو,, بل ما صدق على الله.

وفي سوق الجوالات,,,

بو حسن: شنو هذا الشيء اللي خلاك فجأة تشتري جوال فيه بلوتوث.
بو علي: أقول لك سمعت شيء عجيب عن هذا اللي تسميه بيوتوث.
بو حسن: قصدك بلوتوث.
بو علي: اللي هو المهم نشتري واحد.
بو حسن: طيب شنو رايك في جوال N95 هذا الجوال يمدحونه كأنه كمبيوتر.
بو علي: اهم شيءفيه بيوتوث.
بو حسن: فيه بلوتوث وكل شيء.
بو علي: خلاص توكلنا على الله.

وبعد مرور أسبوع,,,

بو حسن: ها بو علي شخبار البلوتوث معاك.
بو علي: شيء عجيب أقول لك تعرفت على وحده الظاهر انها بنت الجيران مسميه
نفسها كاتمة الأحزان.
بو حسن: طيب وانت شنو سميت نفسك.
بو علي: سفير الأحزان.
بو حسن: تكفى هههههههههههههههه,,, أقول انتبه لا تصيدكِ زوجتكِ.
بو علي: لا لاتخاف ما تدري عن شيء,,, حتى سالفة الجوال ما تدري عنه.
بو حسن: أحسن بعد,,, طيب انا استأذن الحين مع السلامة.
بو علي: الله يسلمك.

وفي أحد الأيام وبينما كان بو علي جالساً في المجلس,,,

بوعلي { سفير الأحزان }: لا تخافين هذا اللي نسويه مو شيء حرام.
كاتمة الأحزان: طيب شنو تسميه؟
سفير الأحزان: هذا اللي يسمونه الحب من أول صيدة بيوتوث.
كاتمة الأحزان: ههههههه شنو هالمصطلح الجديد حق الحب انا اللي اعرفه الحب من أول نظرة
سفير الأحزان: كل واحد اللي تسميه على كيفكِ,,, المهم قلبي ابي اقابلكِ.
كاتمة الأحزان: ووين تبي تقابلني.
سفير الأحازن: في حديقة الحيوان.
كاتمة الأحزان: خلاص ربع ساعة وتشوفني هناك.
سفير الأحزان: طيب وانا الحين بطلع وبروح الحديقة.
كاتمة الأحزان: انا اوريك يا بوعلي.

وفي الحديقة,,,

بو علي: وين هذه ما اتصلت ولا بينت لا تكون تقص عليَّ.
أم خلف: شوفيه جالس هناك.
أم علي: اللي قاهرني كيف ما عرف يميز صوتكِ.
أم خلف: شيء طبيعي ما عرف لاني مغيره صوتي.
أم علي: اهاااا,,, المهم ما علينا الحين بروح أشوف شغلي معاه.
أم خلف: طيب وانا بصوركم.
أم علي: صوري صوري علشان يوثق التاريخ.

وفجأة,,,,

أم علي: أجل تنتظر كاتمة الأحزان.
بو علي: أم أم علي! شنو تسوين هنا.
أم علي: جايه أشوفك مع حبيبة القلب كاتمة الأحزان يا سفير الأحزان.
بو علي: طيب انتظري افهمكِ السالفة.
أم علي: ما يحتاج افهم السالفة.

وفجأة اظهرت أم علي بندقية ووجهتها صوب بو علي واطلقت النار عليه.

النهاية
إلى اللقاء في الحلقة القادمة.

تأليف: خادم الحجة عليه السلام

منــــــــــــــقـــول

المساهمات : 8 تاريخ التسجيل : 03/03/2008

شكراً على هذي التقطيه ويعطيك العافيه

عضو فعال المساهمات : 170 تاريخ التسجيل : 11/03/2008

اتقبل مرور الصميدع والله ينطيك العافية
مع تحيات الشهيد

زائر

االقصة حلوة

يلا نتنظر الجديد

تحياتي